Իրենց մոտ ի՞նչ ստացվեց. փող տվեցին, փող բաժանեցին, որ մարդկանց բերեն միտինգների, հետո սկսեցին այդ մարդիկ էլ չգալ. Ալեն Սիմոնյան
ԱԺ նախագահ Ալեն Սիմոնյանը լրագրողների հետ ճեպազրույցում անդրադարձավ ընդդիմադիր պատգամավորների գործելաոճին:
«Եթե չեն գալիս դահլիճ, աշխատավարձ ինչո՞ւ են ստանում ընդդիմադիր պատգամավորները: Սենյակները վերցնում են, մեքենաներն ունեն, որ գործուղումը հարմար է՝ գնում են, որ հանդիպումն իրենց հետաքրքիր է՝ գնում են:
Վստահ չեմ, որ իրենց մեջ չեն գտնվի պատգամավորներ, որոնք կհասկանան, որ իրենք քաղաքական գործիչ են, և կգան: Իրենք միատարր կառույց չեն. կա Քոչարյանի թևը, Դաշնակցության թևը, Վահե Հակոբյանի թևը, կոնկրետ մարդիկ կան, որ մեկ ա՛յս տեղի արբանյակն են, մյո՛ւս տեղի արբանակն են»,- ասաց Սիմոնյանը:
Սիմոնյանը նշեց, որ ընդդիմությունն իր ակցիաներով արդյունք չարձանագրեց:
«Իրենց մոտ ի՞նչ ստացվեց. փող տվեցին, փող բաժանեցին, որ մարդկանց բերեն միտինգների, հետո սկսեցին այդ մարդիկ էլ չգալ, հետո սկսեցին Սփյուռքից մեր հայրենակիցներին մոլորության մեջ գցել: Այդ մարդիկ եկան ու հասկացան՝ այն, ինչ դուք ներկայացնում եք, իրականության հետ կապ չունի, ՀՀ իշխանությունն ընտրված է, իր ժողովրդի հետ շփման մեջ է, բացատրում է: Իսկ նրանք ՀՀ ժողովրդի հետ կապ չունեն, եթե այսօր ընտրություն լինի, նրանք ԱԺ նույնիսկ չեն անցնելու»,- ասաց Սիմոնյանը:
Կարծիքներ