Մենք պատրաստվում ենք մեր ողջ էներգիան ներդնել Լա Լիգայում հաղթելու համար․ Անչելոտի

Մադրիդի «Ռեալի» գլխավոր մարզիչ Կարլո Անչելոտին Լա Լիգայի 23-րդ տուրի՝ «Ատլետիկոյի» հետ խաղից առաջ ասել է, որ ակումբը շարունակելու է պայքարը տիտղոսի համար։ Այս մասին գրում է Armsport.am-ը։

Մադրիդի «Ռեալը» 51 միավորով երկրորդն է Իսպանիայի առաջնությունում՝ առաջատար «Բարսելոնայից» հետ մնալով 8 միավորով:

«Բոլորը գիտեն, թե որքան կարևոր է Չեմպիոնների լիգան «Ռեալի» համար։ Բայց դա չի նշանակում, որ մենք չենք պատրաստվում պայքարել բոլոր տիտղոսների համար։

Մենք պատրաստվում ենք մեր ողջ էներգիան ներդնել Լա Լիգայում հաղթելու համար: Մենք նախատեսում ենք պայքարել բոլոր մրցաշարերում, թեև Լա լիգայում առավելություն չունենք»,- Անչելոտիի խոսքերն է մեջբերում Marca-ն։