Դարվին Նունյեսը բաց կթողնի Ուրուգվայի հավաքականի առաջիկա ընկերական խաղերը

«Լիվերպուլի» կենտրոնական հարձակվող Դարվին Նունյեսը վնասվածքի պատճառով չի մասնակցի Ուրուգվայի հավաքականի մարտ ամսվա ընկերական հանդիպումներին։ Armsport.am-ի հաղորդմամբ՝ այս մասին հայտնում է լրագրող Ֆաբրիցիո Ռոմանոն X սոցիալական ցանցում։

Հիշեցնենք, որ հարավամերիկացիները Բասկոնիայի հետ կհանդիպեն շաբաթ օրը՝ մարտի 23-ին։ Երեքշաբթի օրը՝ մարտի 26-ին, Մարսելո Բյելսայի սաները կհանդիպեն նաև Կոտ դ’Իվուարի հետ:

Նշվում է, որ Նունյեսը լուրջ վնասվածք չի ստացել, սակայն «Լիվերպուլի» մարզչական շտաբը որոշել է ռիսկի չդիմել և խնդրել է Ուրուգվայի հավաքականի ներկայացուցիչներին հարձակվողին չընդգրկել հայտացուցակում։

Նունյեսը «Լիվերպուլում» հանդես է գալիս 2022 թվականի ամառվանից։