Վրաստանի առափնյա պահպանության նավերի և USS Arleigh Burke-ի մասնակցությամբ Սև ծովում անցկացվել են համատեղ զորավարժություններ

Վրաստանի սահմանային ոստիկանության ներքին անվտանգության վարչության ներկայացուցիչները և ԱՄՆ-ի ռազմածովային ուժերի USS Arleigh Burke նավի նավաստիները համատեղ վարժանքներ են անցկացրել Սև ծովում։

Սահմանային ոստիկանության տվյալներով՝ զորավարժություններին մասնակցել են առափնյա պահպանության երեք նավ՝ «Օչամչիրե» (P23), «Սուխումի» (P24) և «Դիոսկուրիա» (P25)։

«Զորավարժությունների ընթացքում նավերը կատարել են տակտիկական զորավարժություններ և միասին աշխատել՝ կատարելագործելու տարբեր տարրեր։

Համատեղ զորավարժությունների նպատակն էր երկու երկրների ռազմածովային ստորաբաժանումների միջև փորձի փոխանակումը, անձնակազմերի միջև փոխգործակցության բարելավումը և Վրաստանի ՆԳՆ առափնյա պահպանության կարողությունների ամրապնդումը»,-1tv.ge-ի փոխանցմամբ՝ ասված է հաղորդագրությունում։