Լևոն Արոնյանը վստահ մեկնարկեց Goldmoney Asian Rapid շախմատի մրցաշարում

Հայաստանի շախմատիստ Լևոն Արոնյանը այսօր մեկնարկեց առցանց անցկացվող Goldmoney Asian Rapid արագ շախմատի մրցաշարում, որի մասնակցում են 16 շախմատիստ-շախմատիստուհի, այդ թվում տղամարդկանց և կանանց աշխարհի չեմպիոններ Մագնուս Կառլսենը և Հու Յիֆանը:

Այսօր կայացած 5 տուրից հետո մեր շախմատիստը վաստակել է 3,5 միավորով և չորս մասնակիցների հետ կիսում է 1-5-րդ տեղերը: Լևոն Արոնյանը հաղթել է հնդիկ գրոսմայստերներ Բաշկարան Աբդինհանին ու Դոմարաջու Գուկեշին, իսկ Պյոտր Սվիդլերի, Դեն Լիժենի և Սալեհ Սալեմի հետ ոչ-ոքի է խաղացել:

Վաղը կկայանա հաջորդ հինգ տուրերի պարտիաները: Լևոն Արոնյանի մրցակիցները կլինեն Մագնուս Կառլսենը, Արջունի Էրիգայշին, Անիշ Գիրին, Սանթոշ Վիդիթը և Յան-Քշիշտոֆ Դուդան:

Հավելենք, որ շրջանաձև մրցաշարից հետո 1-8-րդ տեղերը գրաված շախմատիստները կմտնեն փլեյ-օֆֆ և պայքարը կշարունակեն նոկաուտ մրցակարգով: Մրցաշարի մրցանակային հիմնադրամը կազմում է 100 հազար դոլար: