Երևանը մարդիկ են, ովքեր տաղանդով և աշխատանքով ապրեցնում են քաղաքը. Ավինյանը «պատվավոր քաղաքացու» կոչումներ է շնորհել
Երևանի ավագանու որոշմամբ «Երևանի պատվավոր քաղաքացի» կոչմանն են արժանացել օպերային երգիչ, ՀՀ ժողովրդական արտիստ Բարսեղ Թումանյանը, քանդակագործ, ակադեմիկոս, ՀՀ ժողովրդական նկարիչ Լևոն Թոքմաջյանը, բանաստեղծ, գրականագետ, ՀՀ մշակույթի վաստակավոր գործիչ Հենրիկ Էդոյանը և բեմադրիչ, ՀՀ ժողովրդական արտիստ Արմեն Խանդիկյանը:
Քաղաքապետարանի աշխատակազմի տեղեկատվության վարչության փոխանցմամբ՝ Երևանի քաղաքապետ Տիգրան Ավինյանը շնորհակալագրեր, պատվոգրեր է հանձնել նաև Երևանի քաղաքապետարանի այն աշխատակիցներին, ովքեր իրենց աշխատանքով առանձնացել են և ցուցաբերել լավագույն արդյունքները։
«Երևանը մարդիկ են, ովքեր իրենց տաղանդով, նվիրումով և աշխատանքով ապրեցնում են քաղաքն ու մշակութային կյանքը»,- ասել է Տիգրան Ավինյանը:
Կարծիքներ