Թուրքիայում կոչ են արել ավելի խիստ միջոցներ ձեռնարկել ռուս զբոսաշրջիկների նկատմամբ

Թուրքիայում կոչ են արել ավելի խիստ միջոցներ ձեռնարկել ռուս զբոսաշրջիկների նկատմամբ

Թուրքիայի ինֆեկցիոնիստների միության ղեկավար Մեհմեթ Ջեյհանը ռուս զբոսաշրջիկների նկատմամբ միջոցառումները խստացնելու կոչ է արել։

Նախօրեին առողջապահության նախարար Ֆահրեթթին Քոջան կոչ էր արել վերադառնալ խիստ սահմանափակող միջոցների, քանի որ հուլիսի սկզբից ի վեր կորոնավիրուսով հիվանդների օրական աճը եռապատկվել է: Մի կողմից պետք է պատվաստվել, մյուս կողմից ՝ պետությունը պարտավոր է սահմանափակումներ մտցնել, իսկ բնակչությունը՝ պահպանել անվտանգության միջոցները։ Ռուսաստանցի զբոսաշրջիկների նկատմամբ պետք է ավելի խիստ միջոցներ կիրառել, գրել է Ջեյհանը։

Հունիսի 22-ից սկսվել են Ռուսաստանից Թուրքիա կանոնավոր և չարթերային չվերթները: Ըստ մուտքի պայմանների՝ չպատվաստված զբոսաշրջիկները պետք է բացասական PCR թեստ ներկայացնեն, որը պետք է արվի ժամանումից 72 ժամ առաջ, պատվաստվածները պետք է համապատասխան վկայական ներկայացնեն պատվաստանյութի երկու բաղադրիչը ստանալու վերաբերյալ։ Հավաստագիրը պետք է լինի անգլերեն և պարունակի անձնագրի տվյալները։