Հրդեհ է բռնկվել «Էդեն» պանդոկ-սրճարանում
Հունիսի 27-ին, ժամը 03:58-ին Ճգնաժամային կառավարման ազգային կենտրոն ահազանգ է ստացվել, որ Երևանի Կասկադ համալիրի մոտակայքում գտնվող «Էդեն» պանդոկ-սրճարանից ծուխ է նկատվում։
Ինչպես տեղեկացրեցին է ՀՀ ԱԻՆ-ից, դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։
Պարզվել է, որ հրդեհը բռնկվել է Թումանյան փողոցի թիվ 1 հասցեում գտնվող «Էդեն» պանդոկ-սրճարանի 1-ին հարկի սրահում։
Հրդեհը մեկուսացվել է ժամը 04։37-ին, մարվել՝ 04։57-ին։ Այրվել են սրահի գույքը, և ջերմահարվել երկու օդորակիչ, մեկ համակարգիչ, լոգարանի առաստաղը և մալուխներ։
Կարծիքներ