Գոմբե արևադարձային ցիկլոնը Մոզամբիկում 10 մարդու կյանք է խլել

Գոմբե արևադարձային ցիկլոնը Մոզամբիկում առնվազն 10 մարդու կյանք է խլել, որի էպիկենտրոնում քամիները գերազանցել են 55 մ/վ արագությունը։ ՏԱՍՍ-ի հաղորդմամբ՝ այս մասին շաբաթ օրը հայտարարել է Նաամպուլա նահանգի վարչակազմի ներկայացուցիչ Մեթի Գոնդոլան։

«Նամպուլան ավելի շատ է տուժել, քան երկրի մյուս շրջանները Գոմբե ցիկլոնից», - մեջբերում է նրա խոսքերը Anadolu գործակալությունը: Այս նահանգում վնասվել են տներ, էլեկտրացանցեր, կապի և ճանապարհային ենթակառուցվածքներ, ներառյալ կամուրջները:

Մոզամբիկի ազգային էլեկտրաէներգիայի ընկերությունը հայտնել է, որ երկրի 20 շրջաններում 300 հազար մարդ մնացել է առանց էլեկտրականության։

Հնդկական օվկիանոսում մարտի 7-ին ձևավորված Գոմբե արևադարձային ցիկլոնը մեկ օր անց հարվածեց Մադագասկարին, ինչի հետևանքով երկու մարդ զոհվեց և մեծ վնասներ հասցրեց։ Մարտի 11-ի առավոտյան ցիկլոնը հասել է Մոզամբիկի հյուսիսային և կենտրոնական շրջաններ։ Վերջին ժամերին, օդերևութաբանական ծառայության տվյալներով, Գոմբեն թուլացել է։