Մոսկովյան մետրոյում մեքենավարը փրկել է գնացքի ժամանման պահին ռելսերի վրա ընկած երեխային
Մոսկվայում մետրոյի «Բաբուշկինսկայա» կայարանում երեխան ընկել է ռելսերի վրա գնացքի ժամանման պահին: Ինչպես փոխանցում է INTERFAX.RU-ն՝ հղում անելով տրանսպորտի քաղաքային վարչությանը, միջադեպը տեղի ունեցել երկուշաբթի:
Գերատեսչության մամուլի հաղորդագրության մեջ նշվում է, որ մեքենավարը արագ արձագանքել է կատարվածին և կանգնեցրել գնացքը, այնուհետև օգնել է տղային դուրս գալ ռելսերի վրայից:
Վարչությունից խոստացել են պարգևատրել մեքենավարին: Կատարվածի հանգամանքները պարզվում են:
Կարծիքներ