ԵՄ դիտորդական առաքելությունը Հարավային Կովկասում ապահովում է կայունություն և անվտանգություն․ Ժոլի
Կանադայի արտաքին գործերի նախարար Մելանի Ժոլին, որը վերջին օրերին տարածաշրջանային այցով Հայաստանում էր, «X»-ի իր միկրոբլոգում գրառում է կատարել Ջերմուկում ԵՄ դիտորդական առաքելության գրասենյակ այցի վերաբերյալ:
«Հայաստանում մենք այցելել ենք ԵՄ դիտորդական առաքելության գրասենյակ։
Կանադայի ներդրման շնորհիվ EUMA-ն աշխատում է Հայաստանի և Ադրբեջանի միջև սահմանի մոնիթորինգի ուղղությամբ՝ ապահովելով կայունություն և անվտանգություն Հարավային Կովկասում»,- գրել է նա:
Հիշեցնենք՝ Կանադայից 2 դիտորդ ևս առաջիկայում միանալու է ՀՀ-ում ԵՄ դիտորդական առաքելությանը:
Կարծիքներ