Ըստ գիտնականների՝ կորոնավիրուսի ասիմպտոմիկ դեպքերի ժամանակ կարող են տարբեր օրգաններ ախտահարվել

Կորոնավիրուս ունեցող ասիմպտոմատիկ հիվանդների մոտ հիվանդությունն անհետևանք չի անցնում։ Ինչպես հաղորդում է European Heart Journal պարբերականը, նման եզրակացության են հանգել Գերմանիայից մի խումբ հետազոտողներ, գրում է «Ռիա Նովոստի» գործակալությունը։ 

Գիտնականները զգուշացնում են, որ նույնիսկ հիվանդության հեշտ ընթացքը կարող է հանգեցնել տարբեր օրգանների ախտահարման։ Խոսքը, մասնավորապես, թոքերի ծավալի փոքրացման, շնչառական ուղիների հակադրման, սրտի հետ կապված խնդիրների, երիկամների ֆունկցիայի անբավարարության և ստորին վերջույթների անոթների թրոմբոզի ռիսկի աճի մասին է:

Ստացված տվյալները, ինչպես պնդում են հետազոտողները, չափազանց կարևոր են, քանի որ «Օմիկրոն» շտամը, որը ներկայումս տարածվում է ամբողջ աշխարհում, հիմնականում ընթանում է ասիմպտոմ կամ թեթև ձևով:

Նշենք, որ «Օմիկրոն» շտամն առաջին անգամ հայտնաբերվել է 2021 թ-ի նոյեմբերի սկզբին Բոտսվանայում և ՀԱՀ-ում: