«Ադրբեջանի հարձակումը արդեն մարդկային կյանքեր է խլել. Մենք պետք է աջակցենք հայերին»․ ԱՄՆ կոնգրեսական Թի Ջեյ Քոքս
ԱՄՆ Կոնգրեսի Ներկայացուցիչների պալատի դեմոկրատ անդամ Թի Ջեյ Քոքսը իր Twitter-ի էջում դատապարտել է Արցախի Հանրապետության նկատմամբ Ադրբեջանի սանձազերծած ագրեսիան՝ ԱՄՆ-ին կոչ անելով դադարեցնել Ադրբեջանին ցանկացած ռազմական օգնության տրամադրումը:«Արցախի մայրաքաղաքի վրա Ադրբեջանի անհիմն հարձակումներն արդեն մարդկային կյանքեր են խլել։ Այս ագրեսիան ևս մեկ անգամ ապացուցում է, որ ԱՄՆ-ն պետք է դադարեցնի Բաքվին ցանկացած ռազմական օգնության տրամադրումը։ Մենք պետք է համերաշխ լինենք հայ համայնքների հետ»,- գրել է ամրիկացի կենգրեսականը։Թի Ջեյ Քոքսը «ամենավճռական ձևով դատապարտել է Ադրբեջանի հրահրած թշնամանքը»՝ իր գրառումը եզրափակելով «Հզոր Արցախ» և «Կա՛նգ առ, Ալիև» կոչերով։
Կարծիքներ