«Զվարթնոց» օդանավակայանից բերման ենթարկված 27-ամյա քաղաքացու մոտ ատրճանակ ու փամփուշտներ են հայտնաբերվել
Նոյեմբերի 19-ի կեսօրին ոստիկանության «Զվարթնոց» օդանավակայանի գծային բաժնի ծառայողները ուղևորների բարձրակարգ սպասարկման սրահից գծային բաժին են տարել Երևանի 27-ամյա մի բնակչի։
Այս մասին տեղեկացնում է ՀՀ ոստիկանությունը։
Նրա անձնական խուզարկությամբ հայտնաբերվել է գործարանային գրառմամբ մարտական ատրճանակ՝ լիցքավորված չորս փամփուշտով: Դեպքի առթիվ կազմված փաստաթղթերը ներկայացվել են տարածքային քննչական մարմնին։
Հանգամանքները նախաքննությամբ պարզվում են։
Կարծիքներ