Ռուսաստանը Հայաստանին օգնում է բանակի բարեփոխման հարցում. Ռուսաստանի դեսպան

Ռուսաստանը Հայաստանին օգնում է բանակի բարեփոխման հարցում. Ռուսաստանի դեսպան

Ռուսաստանն աջակցում է Հայաստանի զինված ուժերի բարեփոխումներին: Այս մասին հայտարարել է Երևանում Ռուսաստանի Դաշնության դեսպան Սերգեյ Կոպիրկինը, հայտնում է «Ինտերֆաքս» -ը:

Դիվանագետի խոսքով՝ ներկայումս տարբեր ուղղություններով շփումներ են ընթանում Հայաստանի և Ռուսաստանի պաշտպանության նախարարությունների միջև:

«Քննարկվում են հարցեր՝ կապված մեր երկրների տարբեր ոլորտներում համագործակցության և զինված ուժերի փոխգործակցության ամրապնդման հետ կապված», – ասել է Կոպիրկինը:

Նա նաեւ ավելացրել է, որ ԵԱՀԿ Մինսկի խմբի համանախագահության շրջանակներում Լեռնային Ղարաբաղում իրավիճակի խաղաղ կարգավորման ուղղությամբ աշխատանքները շարունակվում են: