Իսրայելի Գերագույն դատարանը մերժել է հակապատերազմական ցույցեր անցկացնելու խնդրանքը

Իսրայելի Գերագույն դատարանը մերժել է երկրում հակապատերազմական ցույցերի անցկացումը թույլ տալու խնդրանքը՝ պատճառաբանելով, որ ոստիկանությունը չի ապահովում նման հավաքների անվտանգությունը: Այս մասին հայտնում է The Times of Israel-ը։

Նրա խոսքով՝ նման խնդրանքով հանդես է եկել «Հադաշ» կուսակցությունը, որը հիմնականում ներկայացնում է իսրայելցի արաբների շահերը՝ Իսրայելի կոմունիստական կուսակցության հետ միասին։ Այս քաղաքական ուժերի ներկայացուցիչները ցանկանում էին հակապատերազմական ցույցեր անցկացնել Ում ալ Ֆահմ և Սախնին քաղաքներում, որոնց բնակչության մեծամասնությունը իսրայելցի արաբներ են (նրանք կազմում են երկրի բնակչության 21%-ը)։

Ինչպես նշում է The Times of Israel-ը, Գերագույն դատարանը միաձայն որոշում է կայացրել, որ Իսրայելի նորագույն պատմության մեջ աննախադեպ ռազմական դրության պայմաններում ոստիկանները, որոնք աշխատում են սահմանում, չեն կարող ապահովել նրանց անվտանգությունը՝ հաշվի առնելով անձնակազմի պակասը։