Մեծ Բրիտանիան և Ֆրանսիան կխստացնեն անօրինական ներգաղթի դեմ պայքարը

Մեծ Բրիտանիան և Ֆրանսիան պայմանավորվել են ուժեղացնել պայքարը անօրինական ներգաղթի դեմ։ Երեքշաբթի օրը համաձայնագիր ստորագրեցին երկու երկրների ներքին գործերի նախարարներ Պրիտի Պատելը և Ջերալդ Դարմանինը:
Անօրինական միգրանտները հաճախ փնտրում են Լա Մանշը հատելու և Մեծ Բրիտանիա հայտնվելու ցանկացած հնարավորություն, որտեղ նրանց գրավում են սոցիալական ծրագրերը, փախստականի կարգավիճակ ստանալու հնարավորությունն ու ֆինանսական արտոնությունները:

Համաձայնագրի ստորագրումը հաջորդեց Ֆրանսիայի և Բրիտանիայի միջև սահմանային վտանգավոր անցումների թվի աճին, ասված է զեկույցում: Փաստաթղթում, մասնավորապես, նշվում է, որ ֆրանսիական լողափերում պարեկություն իրականացնող ոստիկանության աշխատակիցների թիվը կրկնապատկվելու է ` նավերի՝ ֆրանսիական ափերից դուրս չգալու համար:

Անցյալ տարի Բրիտանիայի աջակցությամբ Ֆրանսիան արդեն կրկնապատկել է սպաների քանակը ֆրանսիական լողափերում, բարելավել հետախուզական տվյալների փոխանակումը և ձեռք բերել ավելի առաջատար տեխնոլոգիա: «Դրա շնորհիվ Ֆրանսիան այս տարի կանխեց երկու անգամ ավելի շատ սահմանների ապօրինի հատումներ, քան 2020-ի նույն ժամանակահատվածում», - ասված է հայտարարության մեջ:

Լոնդոնը հավելեց, որ «Մեծ Բրիտանիայի աջակցությամբ ֆրանսիացիները կկարողանան ավելի շատ անձնակազմ տեղակայել ափի երկայնքով և տեղադրել և օգտագործել հսկողության նորագույն սարքավորումները ողջ Ֆրանսիայի հյուսիսում»:

Երկրները պայմանավորվեցին նաև իրականացնել երկարաժամկետ ծրագիր ՝ ափի երկայնքով «խելացի սահման» ստեղծելու և հսկողության առկա տեխնոլոգիաները բարելավելու համար:
«Առաջադեմ տեխնոլոգիաները թույլ կտան պարզել, թե որտեղ են կատարվում ապօրինի սահմանն անցնելու փորձերը, և այնտեղ գործուղել ֆրանսիացի իրավապահներին ՝ այդպիսով կանխելով ջուր մտնելիս միգրանտների կյանքի վտանգը», - պարզաբանեց բրիտանական կառավարությունը:

Համաձայնագիրը ստորագրվեց Ներքին գործերի նախարարի ներկայացրած ներգաղթի նոր ծրագրի բրիտանական խորհրդարանում քննարկումների ֆոնին: Ենթադրվում է, որ «Քաղաքացիություն և սահմաններ» օրինագիծը վերաբերում է ներկայումս Միացյալ Թագավորության ապաստանի համակարգի թերություններին և անօրինական միգրացիայի հիմքում ընկած հանցավոր գործողություններին: