ԵՄ-ն 53 մլն եվրո կհատկացնի Բելառուսի ժողովրդին

Եվրահանձնաժողովի նախագահ Ուրսուլա ֆոն դեր Լյաենը հայտարարել է, որ Եվրամիությունը պատրաստ է 53 մլն եվրո հատկացնել «այս ծանր ժամանակներում» Բելառուսին աջակցելու համար։

Գումարը նախատեսվում է հատկացնել երկրի քաղաքացիական հասարակությանը և մարդկանց խոցելի խմբերին, գրում է Meduza-ն։

Օգոստոսի 19-ին Բելառուսին նվիրված ԵՄ երկրների ղեկավարների գագաթնաժողովի մասնակիցները հայտարարեցին, որ չեն ճանաչում նախագահական ընտրությունների արդյունքները և որոշեցին պատժամիջոցներ սահմանել երկրի պաշտոնյաների հանդեպ՝ ցուցարարների դեմ ուժ կիրառելու համար։

Օգոստոսի 9-ի նախագահական ընտրությունների ավարտից հետո երկրում հակակառավարական ցույցեր են անցկացվում, որոնք առաջին օրերին ուղեկցվել են ոստիկանության կողմից բռնի ուժի կիրառմամբ։ Ընդդիմությունը պնդում է, որ գործող նախագահ Ալեքսանդր Լուկաշենկոյի նախաձեռնությամբ ընտրությունների արդյունքները կեղծվել են: Ըստ պաշտոնական տվյալների՝ նա հավաքել է ձայների 80.1%-ը, իսկ նրա հիմնական հակառակորդ Սվետլանա Տիխանովսկայան՝ 10.1%։