Գերմանիան կպատվաստի իր բոլոր քաղաքացիներին մինչև ամռան ավարտը. Մերկել

Գերմանիան կպատվաստի իր բոլոր քաղաքացիներին մինչև ամռան ավարտը. Մերկել

Գերմանիայի կանցլեր Անգելա Մերկելը հայտարարել է, որ երկրում մտադիր են մինչև ամառվա ավարտը պատվաստել բոլոր բնակիչներին:

Ինչպես փոխանցում է Reuters գործակալությունը, Մերկելի խոսքով՝ Գերմանիայի կառավարությունը կանի ամեն ինչ կորոնովիրուսի դեմ պատվաստանյութի մատակարարման շղթան պաշտպանելու համար, եթե նույնիսկ չկարողանա վերահսկել արտադրման ընթացքը:

Կանցլերը հավելել է, որ տարվա երրորդ եռամսյակում երկրում պատվաստանյութի բավարար պաշարներ կլինեն, որոնց մի մասը կտրամադրվի այլ երկրների:

Մերկելը նշել է, որ թեև կորոնավիրուսի նոր տեսակները մեծ մտահոգության տեղիք են տալիս, նոր զարգացող պատվաստանյութերը կկարողանան պաշտպանել մարդկանց այդ մուտացիաներից:  

Հիշեցնենք, որ այսօր ավելի վաղ Մերկելը հայտարարել էր, որ Գերմանիան գտնվում է կորոնավիրուսի համավարակի շատ բարդ փուլում, և չնայած հիվանդացության թվի նվազմանը, մահացության թիվը բարձր է մնում: