Գեյթսը խոսել է կորոնավիրուսային իրադրության և պատվաստանյութերի թերությունների մասին

Microsoft-ի հիմնադիր, միլիարդատեր Բիլ Գեյթսը կարծում է, որ օմիկրոն շտամի ալիքից հետո երկրներում կորոնավիրուսով վարակման դեպքերի թիվը կնվազի, կորոնավիրուսին կվերաբերվեն սեզոնային գրիպի պես։

«Քանի որ երկրները կզգան օմիկրոնի ալիքը, առողջապահական համակարգերը կպայքարեն: Ծանր դեպքերի մեծ մասը կլինի չպատվաստվածների մոտ: Այն բանից հետո, երբ օմիկրոնն անցնի երկրներով, մնացած տարվա ընթացքում դեպքերը պետք է շատ ավելի քիչ լինեն: Այսպիսով, կորոնավիրուսը կբուժվի՝ ավելի շատ նման լինելով սեզոնային գրիպին»,- գրել է Գեյթսը Twitter-ում։

Միաժամանակ նա նշել է, որ ներկայում գործող պատվաստանյութերն ունեն երկու թերություն՝ պատվաստվածները դեռ կարող են վարակվել, իսկ դեղամիջոցի արդյունավետությունը ժամանակի ընթացքում նվազում է։

«Մեզ պետք են պատվաստանյութեր, որոնք կկանխեն կրկնակի վարակումը և կպահպանվեն տարիներ շարունակ»,- ասել է Microsoft-ի հիմնադիրը։

Խոսելով կորոնավիրուսի ծագման մասին՝ Գեյթսը գրել է, որ տվյալները վկայում են այն մասին, որ վիրուսը մարդկանց է փոխանցվել մեկ այլ տեսակից։

Ավելի վաղ Գեյթսը կարծիք էր հայտնել, որ կորոնավիրուսային պանդեմիան կարող է ավարտվել արդեն 2022 թվականին, չնայած այն հանգամանքին, որ այժմ, օմիկրոնի շտամի ի հայտ գալով, աշխարհը, հավանաբար, ապրում է իր ամենադժվար շրջանը։