Զլատանը Եվրոպա լիգայի խաղացող չէ․ Իբրահիմովիչ

«Միլանի» հարձակվող Զլատան Իբրահիմովիչը խոսել է ապագայի ծրագրերի մասին՝ գնահատելով ներկայիս ակումբում մնալու հեռանկարները:

«Իբրան խաղում է ինչ-որ բան հաղթելու համար, հակառակ դեպքում նա մնում է տանը: Ինձ ասացին, որ ԱՄՆ-ից հեռանալը շատ հեշտ է, ուստի վերադարձա Միլան: Ես այստեղ հիմնականում կրքի պատճառով եմ, քանի որ հիմնականում խաղում եմ անվճար:

Երբ կորոնավիրուսը դադարեցրեց առաջնությունները, ես մտածեցի. Միգուցե ինչ-որ բան փորձում է ասել ինձ, որ հեռանալու ժամանակն է: Բարեբախտաբար, մենք վերադարձանք խաղադաշտ:

Իբրան ծնվել է ֆուտբոլ խաղալու համար և մինչ այժմ շարունակում է մնալ լավագույնը ֆուտբոլում: Տեսնենք, թե ինչպես կզգամ ինձ երկու ամիս անգործությունից հետո: Տեսեք նաև, թե ինչ է պատահում ակումբի հետ: Եթե այս ամենը շարունակվի, ուրեմն, անկեղծ, դժվար թե ինձ հաջորդ մրցաշրջանում տեսնեք «Միլանում»: Զլատանը Եվրոպա լիգայի խաղացող չէ, և «Միլանը» Եվրոպա լիգայի մակարդակի ակումբ չէ», – ասել է Զլատանը Sportweek ամսագրին տված հարցազրույցում:

38-ամյա շվեդի պայմանագիրը «Միլանի» հետ ավարտվում է այս մրցաշրջանի ավարտին: Զլատանը Ա Սերիայում անցկացրել է 11 խաղ, խփել 5 գոլ և կատարել 3 գոլային փոխանցում: «Ռոսոներները» Ա Սերիայի մրցաշարային աղյուսակում զբաղեցնում են 7-րդ տեղը: