Սյունիքում Chevrolet Niva-ն, գլորվելով, հայտնվել է դաշտում. 3 մարդ հոսպիտալացվել է, այդ թվում՝ 4-ամսական երեխա

Սյունիքի մարզում՝ այսօր՝ հուլիսի 12-ին՝ ժամը 15:50-ի սահմաններում, Սյունիքի մարզի բնակիչ, 30-ամյա Արթուր Թունանյանը  իր վարած Chevrolet Niva մակնիշի ավտոմեքենայով Երեւան-Մեղրի ավտոճանապարհի 223-րդ կմ հատվածում դեռեւս անհայտ հանգամանքներում  կորցրել է ավտոմեքենայի կառավարումը, դուրս եկել երթեւեկելի գոոտուց, մի քանի պտույտ գորվելով՝ հայտնվել ճանապարհի աջ մասում առկա դաշտամիջյան հատվածում: Այս մասին հաղորդում է shamshyan.com-ը։

Վթարի հետեւանքով Ա. Թունանյանը, ուղեւորներ, Սյունիքի մարզի բնակիչներ, 21-ամյա Ա. Գրիգորյանն ու  4-ամսական Վարդան Թ.-ն մարմնական վնասվածքներով տեղափոխվել են «Գորիս» բժշկական կենտրոն: Օ

Փաստի առթիվ նյութեր են նախապատրաստվում: Կայքի տեղեկություներով՝ վարորդն ու ուղեւորները ընտանիքի անդամներ են: