Բայդենն առաջարկել է ԱՄՆ-ի օգնությունը Բենեթին` Իսրայելում մի շարք ահաբեկչություններից հետո
ԱՄՆ նախագահ Ջո Բայդենը և Իսրայելի վարչապետ Նաֆթալի Բենեթը չորեքշաբթի հեռախոսով քննարկել են հրեական պետությունում տեղի ունեցած ահաբեկչությունների շարքը, և Սպիտակ տան ղեկավարը իսրայելական կողմին օգնություն է առաջարկել նման սպառնալիքների դեմ պայքարում։ ՏԱՍՍ-ի հաղորդմամբ՝ այս մասին հայտնում է Սպիտակ տան մամուլի ծառայությունը։
«Նախագահն ընդգծել է, որ Միացյալ Նահանգները հաստատակամորեն և վճռականորեն կանգնած է Իսրայելի կողքին ահաբեկչական սպառնալիքի և Իսրայել պետությանը սպառնացող բոլոր այլ սպառնալիքների առջև», - ասվում է հայտարարության մեջ: «Նախագահը ցանկացած հարմար օգնություն է առաջարկել մեր իսրայելցի դաշնակիցներին, երբ նրանք դիմակայում են իրենց քաղաքացիներին սպառնացող վտանգներին»,- ասվում է տեքստում։
Հայտարարության մեջ նշվում է նաև, որ երկու երկրների ղեկավարները քննարկել են «տարածաշրջանային գործընկերության կարևորությունը», այդ թվում՝ Աբրահամի համաձայնագրի և Նեգևի գագաթնաժողովի ֆորումի համատեքստում։
Կարծիքներ