ԱՀԿ-ն հայտնել Է շաբաթվա ընթացքում քովիդից մահացության 8 տոկոսով նվազման մասին

Անցած շաբաթ ավելի քան 10 միլիոն մարդ Է վարակվել կորոնավիրուսով, 52 հազարից ավելին մահացել Է: Ախտահարման հայտնաբերված դեպքերի թիվը նախորդ յոթ օրվա համեմատությամբ նվազել Է 5 տոկոսով, իսկ մահացու վախճանների թիվը՝ 8 տոկոսով, մարտի 9-ին հաղորդել Է Առողջապահության համաշխարհային կազմակերպությունը (ԱՀԿ), տեղեկացնում Է «Արմենպրես»-ը:

Ինչպես նշված Է շաբաթական տեղեկագրում, փետրվարի 28-ից մինչեւ մարտի 6-ը «COVID-19-ի նոր դեպքերի թիվը եւ մահացությունը շարունակել են նվազումը. նախորդ շաբաթվա համեմատությամբ դրանք նվազել են համապատասխանաբար 5 տոկոսով եւ 8 տոկոսով: Կազմակերպությունում ստացվել են հաղորդումներ 10 391 854 մարդու վարակման մասին: Արձանագրվել Է 52 740 մահացու վախճան: Նախորդ շաբաթվա (փետրվարի 21-ից մինչեւ 28-ը) համեմատությամբ վարակվածների թվի աճ են արձանագրել Արեւմտա - խաղաղօվկիանոսյան տարածաշրջանում (46 տոկոսով):

Միեւնույն ժամանակ ԱՀԿ-ի մնացած հինգ տարածաշրջաններում հիվանդացությունը նվազել Է: Առանձնապես Էական նվազում են արձանագրել Արեւելյան Միջերկրականի տարածաշրջանում (46 տոկոսով) եւ Աֆրիկայում (40 տոկոսով): Եվրոպայում, որին բաժին Է ընկնում շաբաթվա ընթացքում աշխարհում ախտահարման բոլոր նոր դեպքերի 45 տոկոսը, այդ ցուցանիշը նվազել Է 18 տոկոսով:

Մահացությունն աճել Է Արեւմտա - խաղաղօվկիանոսյան տարածաշրջանում (29 տոկոսով) եւ Արեւելեյամն Միջերկրականի տարածաշրջանում (2 տոկոսով): Միեւնույն ժամանակ մնացած տարածաշրջաններում այն նվազել Է, ընդ որում առանձնապես խիստ՝ Աֆրիկայում (39 տոկոսով): Եվրոպայում արձանագրել են նվազում 15 տոկոսով, Ամերիկայում՝ 9 տոկոսով: Շաբաթվա ընթացքում ամենամեծ թվով ախտահարվածների մասին Է հայտնել Հարավային Կորեան (1 461 431):

Այնուհետեւ հտեւում են Գերմանիան (1 108 231), Վիետնամը (1 013 343), Ռուսաստանը (650 540) եւ Ճապոնիան (452 763): ԱՄՆ-ում յոթ օրում արձանագրվել են ամենամեծ թվով մահացածներ (10 579): Այնուհետեւ հետեւում են Ռուսաստանը (5 354), Բրազիլիան (3 865), Ինդոնեզիան (2 099) եւ Ճապոնիան (1 519): Մարտի 8-ի Երեւանի ժամանակով ժամը 19:31-ի դրությամբ ԱՀԿ-ում տվյալներ են ստացվել 446 511 318 ախտահարվածների եւ 6 004 421 մահացածների մասին: Վարակվածների թիվը մեկ օրում ավելացել Է 1 172 188-ով, մահացու վախճաններինը՝ 4 993-ով. հաղորդել Է ՏԱՍՍ-ը: