Մխիթարյանն ու Մոուրինյոն հաշտվել են. Corriere dello Sport

Մխիթարյանն ու Մոուրինյոն հաշտվել են. Corriere dello Sport

«Ռոմայի» նորանշանակ գլխավոր մարզիչ Ժոզե Մոուրինյոն ու հռոմեական թիմի կիսապաշտպան Հենրիխ Մխիթարյանը հաշտվել են: Այս մասին  հաղորդում է իտալական Corriere dello Sport–ը։

Պորտուգալացի մարզիչն ու Հայաստանի հավաքականի ավագը լարված հարաբերություններ ունեին  «Մանչեսթեր Յունայթեդում» համատեղ աշխատանքի տարիներից։ Այդ պատճառով 2018թ. հունվարին Մխիթարյանը հեռացավ մանչեսթերյան ակումբից և տեղափոխվեց Լոնդոնի «Արսենալ»։

Հիմա Մոուրինյոն ու Մխիթարյանը բարելավել են հարաբերությունները։ Մարզիչն է պնդել, որ 32–ամյա ֆուտբոլիստը շարունակի կարիերան «Ռոմայում»։ Նրա նոր պայմանագիրը նախատեսված է մինչեւ հաջորդ մրցաշրջանի ավարտը։

Իտալիայի անցած առաջնությունում Մխիթարյանը մասնակցել է 33 հանդիպման, խփել 12 գոլ, կատարել 10 գոլային փոխանցում։

Հետևեք մեզ նաև Տելեգրամում