Էրդողանը նորից դատի է տվել ընդդիմադիր առաջնորդին

Թուրքիայի նախագահ Ռեջեփ Թայիփ Էրդողանը նոր դատական հայց է ներկայացրել ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուի դեմ, գրում է Ermenihaber-ը։

Ըստ թուրքական մամուլի, Էրդողանը ընդդիմադիր առաջնորդից 500.000 թուրքական լիրա (մոտ 57․586 ԱՄՆ դոլար) է պահանջում՝ որպես բարոյական վնասի փոխհատուցում։

Պատճառը նախօրեին մեջլիսում ունեցած ելույթում Էրդողանի հասցեին Քըլըչդարօղլու հնչցրած վիրավորական արտահայտություններ էին:

Հայցում նաև նշվում է, որ ԺՀԿ առաջնորդը խախտել է Էրդողանի անձնական իրավունքները:

Հիշեցնենք, որ վերջին տասնամյակում Քեմալ Քըլըչդարօղլուի դեմ Ռեջեփ Թայիփ Էրդողանի անունից ռեկորդային թվով դատական հայցեր են ներկայացվել, որոնց ճնշող մեծամասնությունն ավարտվել է հօգուտ Էրդողանի։

Արդյունքում Քըլըչդարօղլուն թուրքական տարբեր  դատարանների որոշումներով պարտավորվել է միլիոնավոր լիրայի փոխատուցում վճարել Էրդողանին՝ իր ելույթներում վերջինիս ուղղված գրեթե բոլոր բացասական կամ քննադատական արտահայտությունների համար։