Չինաստանի մետրոյում 12 մարդ ջրհեղեղի զոհ է դարձել
Առնվազն 12 մարդ է զոհվել, հինգը վիրավորվել են Չինաստանի Հենան նահանգի Չժենչժոու քաղաքի մետրոյի թունելում՝ ջրհեղեղի հետևանքով:
Դեպքը տեղի է ունեցել հուլիսի 20-ի ցերեկը: Ընդամենը մեկ ժամվա ընթացքում նահանգում տեղացել է ավելի քան 200 միլիմետր տեղումներ: Քաղաքը ստիպված էր դադարեցնել մետրոյի գնացքների շարժը, ինչը պատճառ է դարձել, որ գնացքները խրվեն հենց կայարանների միջեւ գտնվող թունելների մեջ։
Ընդհանուր առմամբ, փրկարարները տարհանել են 500 մարդու:
Սաստիկ ջրհեղեղը հանգեցրել է գետերում ջրի մակարդակի բարձրացմանը և Գուոջիաջիու ջրամբարի պատնեշի ոչնչացմանը: Այժմ փրկարարներն ուժեղացնում են ջրհեղեղներից պաշտպանության միջոցառումները:
Կարծիքներ