Բլինքենը բարձր է գնահատել Բաքվի և Երևանի հարաբերություններում առաջընթացը
ԱՄՆ պետքարտուղար Էնթոնի Բլինքենը բարձր է գնահատել Բաքվի և Երևանի հարաբերություններում առաջընթացը։ Այս մասին հայտարարել է ԱՄՆ պետդեպի խոսնակ Մեթյու Միլլերը։
«Այսօր Նյու Յորքում ՄԱԿ-ի Գլխավոր ասամբլեայի բարձր մակարդակի շաբաթվա ընթացքում Պետքարտուղար Էնթոնի Բլինքենը եռակողմ հանդիպում է ունեցել Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ։
Պետքարտուղարը բարձր է գնահատել Հայաստանի և Ադրբեջանի առաջընթացը կայուն և արժանապատիվ խաղաղության հասնելու գործընթացում և կոչ է արել երկու երկրներին հետագա առաջընթաց գրանցել համաձայնագիրը հնարավորինս արագ ավարտելու ուղղությամբ:
Պետքարտուղարն ընդգծել է, որ խաղաղության համաձայնագիրը կայունություն և բարեկեցություն կբերի տարածաշրջանին»,- նշել է Միլլերը։
Կարծիքներ