Երևանում ապրող սոցիալապես անապահով ընտանիքներին ձմեռային վառելափայտ տրամադրելու գործընթացը սկսվել է

Երևանում ապրող սոցիալապես անապահով ընտանիքներին ձմեռային վառելափայտ տրամադրելու գործընթացը սկսվել է։

Վառելափայտ տրամադրվում է սոցիալապես անապահով հետևյալ ընտանիքներին․

4 և ավելի անչափահաս երեխա ունեցող,

ռազմաճակատ մեկնած և անչափահաս երեխաներ ունեցող մարտիկների ընտանիքներին,

այն ընտանիքներին, որոնք տվյալ պահին վառելափայտի խիստ կարիք ունեն:

«Կանաչապատում և շրջակա միջավայրի պահպանություն» ՀՈԱԿ-ը պահեստավորել է կենսազուրկ ծառերից ու էտումներից առաջացած փայտանյութը, որը տրամադրվում է շահառուներին՝ ըստ վարչական շրջանների ղեկավարների հաստատած ցանկերի։

Յուրաքանչյուր ընտանիքին տրամադրվում է 1 խորանարդ մետր փայտանյութ։

Նոր Նորք վարչական շրջանի 15 ընտանիք արդեն ստացել է հասանելիք վառելանյութը։