Դոնեցկում հայտարարել են, որը իրավիճակը սրվել է շփման գծի ողջ երկայնքով
Ինքնահռչակ Դոնեցկի Ժողովրդական Հանրապետության անվտանգության ենթախմբի ներկայացուցիչ Ալեքսեյ Նիկոնորովը հայտարարել է շփման գծի ողջ երկայնքով իրավիճակի սրման մասին: Այս մասին գրում է «ՌԻԱ Նովոստի» գործակալությունը:
Դոնբասի շուրջ բանակցություններում անվտանգության հարցերի ենթախմբի հերթական հանդիպումը տեղի է ունեցել այսօր` մարտի 16-ին:
«Այսօր մենք տեսնում ենք իրավիճակի սրում շփման գծի ողջ երկայնքով. Ուկրաինայի զորամիավորումները ավելի ու ավելի հաճախ են օգտագործում տարբեր տրամաչափի ականանետներ»,-ասել է Նիկոնորովը:
Նիկոնորովը բացատրել է, որ հանդիպման ընթացքում հիմնական խնդիրները քննարկելու փոխարեն, ինչպիսիք են`սրման մակարդակի իջեցումը, խախտումների վերացումը, հրադադարի ռեժիմի ամրապնդման համար գործող միջոցառումների շրջանակներում համակարգման մեխանիզմի հստակեցման անհրաժեշտությունը, ինչպես նաև վերականգնման աշխատանքները, Կիևը «ընդհանուր սրման ֆոնին ոչ ակտուալ և անիմաստ քննարկումների և երկար մենախոսությունների մեջ է մտնում»:
«Մենք կարծում ենք, որ ուկրաինական կողմից նման մոտեցումը տեղափոխվել է միտումնավորների և ավանդականների կատեգորիա, ինչը, իհարկե, հույս չի ներշնչում կոնսենսուս գտնելու համար: Ուկրաինայի ներկայացուցիչները պատրաստ են քննարկել ցանկացած վերացական թեմա, բացառությամբ առավել կարևորագույնների՝ ամբողջական խաղաղ ռեժիմի վերականգնման և շփման գծում անվտանգության հետ կապված իրավիճակի կայունացման»,-նշել է Նիկոնորովը:
Կարծիքներ