Ինձ, ձեզ, բոլորիդ պատկանող ՀԷՑ-ը Ռոբերտ Քոչարյանը վաճառել է իր տան գնով՝ 12 միլիոն դոլարով. Ալեքսանյան

«ՀՀ անկախացումից հետո «Հայաստանի Էլեկտրական ցանցերը» պատկանել է ժողովրդին, սակայն 2002 թվականին Ռոբերտ Քոչարյանը որոշել է այն վաճառել»:

Այս մասին Ազգային ժողովի հուլիսի 1-ի արտահերթ նիստի ժամանակ ասել է «Քաղաքացիական պայմանագիր» խմբակցության պատգամավոր Վահագն Ալեքսանյանը:

«ՀԷՑ-ը վաճառել է Ռոբերտ Քոչարյանը, սիրելի՛ քաղաքացիներ, ինձ, ձեզ, բոլորիդ պատկանող ՀԷՑ-ը Ռոբերտ Քոչարյանը վաճառել է 12 միլիոն դոլարով: Գիտե՞ք՝ ինչքան է 12 մլն դոլարը, մոտավորապես այնքան, ինչքան արժի Ռոբերտ Քոչարյանի տունը:

Գիտե՞ք՝ ինչքան է 12 մլն դոլարը. դա հասկանալու համար պետք է ընդամենը գիտակցել, որ Ռոբերտ Քոչարյանի ունեցվածքից այս պահին դեռ հայտնաբերված, այն, ինչ այս պահին դեռ երևում է, պահանջվում է բռնագանձել 200 մլն դոլար, բայց ՀԷՑ-ը վաճառել են 12 մլն դոլարով:

Հիմա այս մարդիկ եկել ասում են՝ ՀԷՑ-ը խլում եք: Ձեզանից լավ խլի՞չ: Ժողովրդից խլել եք, 12 միլիոնով չգիտեմ, թե ում եք տվել»,- ասել է նա: