Գնդակը ԵՄ դաշտում է․ Կոբախիձե
Վրաստանի վարչապետ Իրակլի Կոբախիձեն ԵՄ-ից պահանջում է արդարություն և Թբիլիսիի նկատմամբ մոտեցումների փոփոխություն։
«Վրաստանը պատրաստ է վերսկսել ԵՄ-ին անդամակցելու շուրջ բանակցությունները, եթե Բրյուսելը փոխի իր վերաբերմունքը Թբիլիսիի նկատմամբ»,- Euronews-ին տված հարցազրույցում ասել է նա։
Կոբախիձեի խոսքով՝ իրենց չի գոհացնում հարաբերությունների ներկայիս վիճակը։
«Մենք շահագրգռված ենք Եվրամիության հետ առողջ հարաբերություններ հաստատելով, ինչն այս պահին այդպես չէ, բայց վստահ ենք, որ դա պայմանավորված չէ Վրաստանի քաղաքականությամբ»,- ասել է Կոբախիձեն։
Նա մեղադրել է «եվրոպական բյուրոկրատիային» և կրկնել իր լավատեսական վերաբերմունքը, ըստ որի Վրաստանը ԵՄ անդամ կդառնա մինչև 2030 թվականը։ Կոբախիձեն հավելել է, որ «գնդակը ԵՄ դաշտում է», և դաշինքը պետք է ավելի ճկուն լինի նոր անդամների նկատմամբ իր մոտեցումներում:
Կարծիքներ