Երեք օրում Իսրայելի ուղղությամբ արձակվել է ավելի քան 1500 հրթիռ
Պաղեստինյան ՀԱՄԱՍ շարժման գրոհայինները երկուշաբթի՝ իրադրության սրացման պահից Իսրայելի տարածքի ուղղությամբ արձակել են ավելի քան 1500 հրթիռ։ Այս մասին ասվում է Իսրայելի բանակի թվիթերյան էջում։ Իսրայելական «Երկաթե գմբեթ» հակաօդային պաշտպանության համակարգերը հարյուրավոր հրթիռներ են որսացել։
Նշվում է, որ մոտ 350 հրթիռի արձակում անհաջող է եղել, և հրթիռներն ընկել են հենց Գազայի հատվածում։
Երկուշաբթի երեկոյան իրադրությունը կտրուկ սրվել է Իսրայելի և պաղեստինյան Գազայի հատվածի սահմանին։ Իսրայելական բնակավայրերի անդադար հրթիռակոծությունների հետևանքով 6 իսրայելցի է զոհվել, ավելի քան 200-ը՝ վիրավորվել։
Կարծիքներ