Երևանում առևանգված մեքենան վթարված վիճակում հայտնաբերվել է Կոշում․ կա ձերբակալված

Հունվարի լույս 30-ի գիշերը ոստիկանություն զանգած տղամարդը հայտնել էր, որ ժամը 03.35-ից 03.45-ն ընկած ժամանակահատվածում գողացել են մայրաքաղաքի Մուրացանի փողոցում կայանված իր «Օպել» մակնիշի մեքենան։

Նշված հասցե մ եկնած օպերատիվ խումբը պարզել է, որ անհայտ անձը մեքենան փախցրել էր՝ օգտվելով դուռը բաց լինելու հանգամանքից։

Ժամեր անց «Օպելը» հայտնաբերվել է Արագածոտնի մարզում։ Պարեկային ծառայության Արագածոտնի մարզի գումարտակի 1-ին վաշտի ոստիկանները Կոշ գյուղում կանգնեցրել են «Օպելը»։ Մեքենայի առջևի հատվածը վթարված է եղել, վարորդը ոչ սթափ և առանց փաստաթղթերի։

42-ամյա տղամարդը ձերբակալվել է։

Նա և կազմված փաստաթղթերը ներկայացվել են ոստիկանության Էրեբունու բաժին։ Հանգամանքները նախաքննությամբ պարզվում են։