Մադրիդում հյուրանոց է բռնկվել
Ուժեղ հրդեհ է բռնկվել Մադրիդի հյուրանոցներից մեկում, որտեղից 200 մարդ է տարհանվել: Այս մասին հայտնում է «ՌԻԱ Նովոստի»-ն՝ հղում անելով իսպանական մայրաքաղաքի արտակարգ ծառայություններին:
Գերատեսչության թվիթերյան էջում տեսանյութ է հրապարակվել, որում պատկերվում է հրդեհվող հյուրանոցը: Հրդեհը բռնկվել է Hotel Nuevo հյուրանոցի վերին հարկերում: Դեպքի վայրում աշխատում են 15 հրշեջ հաշվարկ:
Կրակը, որը տարածվել էր մի քանի հարկերում, ներկա պահին վերահսկողության տակ է գտնվում: Տուժածների մասին լուր չկա:
Կարծիքներ