Քադիրովը պատասխանել է Ռուսաստանը ղեկավարելու ցանկության մասին հարցին
Չեչնիայի ղեկավար Ռամզան Քադիրովը պատասխանել է հարցին, թե կցանկանա՞ր արդյոք դառնալ Ռուսաստանի նախագահ: Ինչպես փոխանցում է «ՌԻԱ Նովոստի»-ն, այս մասին նա խոսել է որդու՝ Ադամի ինստագրամյան էջի եթերում:
Քադիրովի կարծիքով՝ Ռուսաստանն ունի աշխարհում ամենալավ նախագահը: Նա ուշադրություն է հրավիրել Վլադիմիր Պուտինի անձնական որակներին՝ իմաստությանը, հեռատեսությանը և խարիզմային:
«Այդ իսկ պատճառով մենք աջակցելու ենք մեր նախագահին»,- ընդգծել է չեչեն առաջնորդը:
Պատասխանելով իր հետագա ծրագրերի մասին հարցին՝ Քադիրովը նշել է, որ մտադիր է ծառայել իր ժողովրդին:
Քադիրովը Չեչնիան ղեկավարում է 2007 թվականից ի վեր:
Կարծիքներ