Ծառուկյանին մանդատից զրկելու հարցով ՍԴ դիմելու համար ԱԺ խորհուրդը երկուշաբթի նիստ կհրավիրի. Factor.am

Ծառուկյանին մանդատից զրկելու հարցով ՍԴ դիմելու համար ԱԺ խորհուրդը երկուշաբթի  նիստ կհրավիրի. Factor.am

ԲՀԿ ղեկավար Գագիկ Ծառուկյանին պատգամավորական մանդատից զրկելու հարցով Սահմանադրական դատարան դիմելու համար Ազգային ժողովի խորհուրդը նոյեմբերի 24-ին նիստ կգումարի: Այս մասին Factor.am-ը տեղեկանում է խորհրդարանի պաշտոնական կայքից:

Հիշեցնենք՝ ԱԺ խորհուրդը այս օրակարգով նիստ հրավիրել էր նաեւ նոյեմբերի 16-ին, սակայն հարցը չէր քննարկվել Ծառուկյանի բացակայության պատճառով: ԱԺ կանոնակարգ-սահմանադրական օրենքը սահմանում է, որ հարցի քննության ժամանակ տվյալ պատգամավորը պետք է ներկա լինի ԱԺ խորհրդի նիստին, իսկ ահա նույն հարցով երկրորդ նիստին խորհրդի կազմը կարող է հարցը քննել եւ ՍԴ ուղարկել առանց Ծառուկյանի ներկայության: Ազգային ժողովի խորհուրդը Գագիկ Ծառուկյանի լիազորությունները դադարեցնելու հարցով ցանկանում է դիմել Սահմանադրական դատարան՝ հիմք ընդունելով Սահմանադրության 95-րդ հոդվածը, որն արգելում է պատգամավորին զբաղվել ձեռնարկատիրական գործունեությամբ և պաշտոն ունենալ առևտրային կազմակերպություններում:

Ամբողջական հոդվածը՝ այստեղ

Հետևեք մեզ նաև Տելեգրամում