Կրակոցներ Երևանում. առևտրի կենտրոնի տնօրենը հրազենային վնասվածքով տեղափոխվել է հիվանդանոց

Այսօր՝ փետրվարի 10-ին, կրակոցնր են հնչել Երևանում։ Ժամը 18։20-ի սահմաններում ՀՀ Ներքին գործերի նախարարության ոստիկանության Շենգավիթի բաժին ահազանգ է ստացվել, որ Սևանի փողոցում՝ «Պլատինիում» առևտրի կենտրոնի դիմաց, կրակոցներ են հնչել, և կա վիրավոր։

Այս մասին գրում է shamshyan.com-ը։

Ոստիկաններն ու քննիչները նշված վայրում հայտնաբերել են ատրճանակից արձակված 8 պարկուճ։ Նույն վայրից 1 հոգի հրազենային վնասվածքով տեղափոխվել է «Էրեբունի» ԲԿ։ Ըստ աղբյուրի, պարզվել է վիրավորի ինքնությունը։ Վերջինս Երևանի բնակիչ՝ 38-ամյա Ռոբերտ Մ-ն է։

Դեպքի փաստով Շենգավիթի քննչական բաժնում սպանության փորձ  և ապօրինի զենք-զինամթերք կրելու հատկանիշներով նախաձեռնվել է քրեական վարույթ։

Ըստ աղբյուրի, վիրավոր Ռոբերտ Մ-ն «Պլատինիում» առևտրի կենտրոնի տնօրենն է։