Իսրայելի ոստիկանության հետ բախումներում ավելի քան 110 պաղեստինցի է տուժել

Առնվազն 113 պաղեստինցիներ վնասվածքներ են ստացել ուրբաթ Հորդանան գետի արևմտյան ափում Իսրայելի սահմանային ոստիկանության հետ բախումների հետևանքով։ Այս մասին հայտնում է պաղեստինյան WAFA գործակալությունը։

Ինչպես հայտնում է Կարմիր Մահիկի պաղեստինյան գրասենյակը, 16 մարդ ստացել է հրազենային վնասվածքներ, 20-ը՝ տուժել ռետինե փամփուշտերով կրակոցներից, 4 –ը՝ ծեծի ենթարկվել իսրայելցի ոստիկանների կողմից։ Եվս 73 պաղեստինցի թունավորվել է արցունքաբեր գազից։

Բախումները տեղի են ունեցել Նաբլուս նահանգի հարավային մասում՝ Բեյթ քաղաքի շրջանում։ Տեղի բնակիչներն ավանդական ուրբաթօրյա ցույցն են անցկացրել ընդդեմ իսրայելական իշխանությունների ակտիվ բնակարանաշինական քաղաքականության, մասնավորապես Սաբիհ լեռան շրջանում։