ՀՀ վարչապետի խորհրդական Արտաշես Թումանյանը կմասնակցի «Թուրքմենստանի նավթ և գազ–2022» միջազգային 17-րդ համաժողովին
Հայաստանի Հանրապետության վարչապետի խորհրդական Արտաշես Թումանյանը կմասնակցի «Թուրքմենստանի նավթ և գազ–2022» միջազգային 17-րդ համաժողովին։ «Արմենպրես»-ի հաղորդմամբ՝ նրան գործուղելու՝ ՀՀ վարչապետ Նիկոլ Փաշինյանի հոկտեմբերի 20-ին կայացրած որոշումը հրապարակվել է ՀՀ էլեկտրոնային կառավարման կայքում։
«Հայաստանի Հանրապետության վարչապետի խորհրդական Արտաշես Թումանյանին 2022 թվականի հոկտեմբերի 25-29-ը ներառյալ գործուղել Թուրքմենստան (Աշգաբադ)՝ «Թուրքմենստանի նավթ և գազ–2022» միջազգային 17-րդ համաժողովին մասնակցելու նպատակով»,- ասվում է որոշման մեջ:
Փաստաթղթում նաև նշված է. «Արտաշես Թումանյանի՝ Թուրքմենստան (Աշգաբադ) գործուղման ծախսերը կատարել Հայաստանի Հանրապետության 2022 թվականի պետական բյուջեով Հայաստանի Հանրապետության վարչապետի աշխատակազմի պահպանման ծախսերում արտաքին գործուղումների համար նախատեսված միջոցների հաշվին»:
Կարծիքներ