Իսրայելում ջրհեղեղներ են սկսվել հորդառատ անձրևների պատճառով

Իսրայելում ջրհեղեղներ են սկսվել հորդառատ անձրևների պատճառով

Հորդառատ անձրևներն ու ուժեղ քամին ջրհեղեղներ են առաջացրել Իսրայելի կենտրոնական Հերցլիա և Բնեյ-Բրակ քաղաքերում:

Ինչպես հաղորդում է Jerusalem Post-ը, անձրևների հետևանքով իշխանությունները ստիպված են եղել փակել երկաթուղային կայարանը, որոշ ճանապարհներ նույնպես արգելափակվել են: Ջրեղեղների հետևանքների դեմ պայքարում են արտակարգ ծառայությունները: Նշվում է, որ Կիներեթ լճի ջրի մակարդակը գիշերվա ընթացքում բարձրացել է 2,5 սմ:

Կան մարդիկ, որոնք տուժել են և բուժօգնության դիմել: Գիշերը հոսպիտալացվել է ցրտահարված 95-ամյա մի տղամարդ: 37 տարեկան ևս մի տղամարդ հիվանդանոցում է հայտնվել այն բանից հետո, երբ վերջինիս քշել-տարել է ջրի ուժեղ հոսանքը:

Իսրայելի բանակից հայտնել են, որ մի շարք ռազմական կառույցներ ևս տուժել են ջրհեղեղի հետևանքով:

Կանխատեսումների համաձայն՝ ծանր օդերևութաբանական պայմանները երկրում կպահպանվեն մինչև հանգստյան օրերը:

Հետևեք մեզ նաև Տելեգրամում