Ես Վարդան Օսկանյանի խոսնակը չեմ, թող հրապարակեն իրենց տարբերակները. Նիկոլ Փաշինյան
ՀՀ վարչապետ Նիկոլ Փաշինյանը ԱԺ արտահերթ նիստից հետո լրագրողների հետ ճեպազրույցում անդրադարձել է արտաքին գործերի նախկին նախարար Վարդան Օսկանյանը հայտարարությանը, ըստ որի նա 44-օրյա պատերազմից առաջ ու հետո տարբեր մարդկանց միջոցով փորձել է հանդիպել վարչապետի հետ, բայց չի կարողացել:
«Օսկանյանն ինձ հետ 44-օրյա պատերազմից հետո հանդիպել է:Թող իրենք հրապարակեն իրենց տարբերակները, ես իրենց խոսնակը չեմ: Ասում են՝ 2018 թվականին մենք սա էինք ուզում առաջարկել, թող հիմա հրապարակեն, թե ինչ էին ուզում առաջարկել, ես էլ կարձագանքեմ: Իրենց առաջարկներն ամբողջությամբ արտահայտված են իրենց թողած բանակցային ժառանգության մեջ»,-ասել է վարչապետը:
Վարչապետն ակնկալում է անդրադառնալ ֆունդամենտալ պրոբլեմների։ «Իսկ ֆունդամենտալ պրոբլեմն այն է, որ բանակցային իրականությունը մի բան է եղել, եկել տեսախցիկների առաջ ուրիշ բան ենք խոսել: Հիմա ես ինչ եմ փորձում անել 2018 թվականից, փորձում եմ այնպես անել, որ բանակցային սենյակներում և հրապարակային՝ ժողովրդի հետ խոսակցությունը, լինի նույնը, և դա շատ ցավոտ և բարդ պրոցես է»,- ասել է նա:
Կարծիքներ