Թուրքիայի ՊՆ-ն խոսել է մշտադիտարկման համատեղ կենտրոնում թուրք և ռուս սպաների տեղակայման ժամկետի մասին
Թուրքիայի պաշտպանության նախարար Հուլուսի Աքարը հասարակական կազմակերպությունների ներկայացուցիչների հետ հանդիպման ժամանակ անդրադարձել է պաշտպանության և անվտանգության հարցերին։ Ինչպես հաղորդում է թուրքական Anadolu լրատվական գործակալությունը, Աքարը նաև խոսել է Լեռնային Ղարաբաղում ռուս-թուրքական մշտադիտարկման կենտրոնի մասին։
«Մեր փոխնախարարը պաշտոնակցի հետ քննարկել և եզրափակել է հարցի տեխնիկական մանրամասները: Ձեռք է բերվել համաձայնություն: Մեր համատեղ դիտորդական կենտրոնը ստեղծելու համար որևէ խոչընդոտ չի մնացել: Հիմա ընթանում են այնտեղի շինարարական աշխատանքները։ Մեր ընկերները շատ կարճ ժամանակ անց ծառայելու են այնտեղ: Թուրք և ռուս գեներալներն ու սպաները միասին կապահովեն հրադադարի ռեժիմի պահպանումը և ջանքեր կգործադրեն այն մշտական դարձնելու ուղղությամբ: Բացի դրանից, շարունակվում են ադրբեջանցի եղբայրների հետ զորավարժությունները», – ասել է Աքարը:
Դեկտեմբերի 1-ին ավարտվել են Ադրբեջանի տարածքում թուրք-ռուսական համատեղ մշտադիտարկման կենտրոնի ստեղծման տեխնիկական մանրամասների շուրջ բանակցությունները, Թուրքիայի և Ռուսաստանի միջև կնքվել է համաձայնագիր
Կարծիքներ