Աֆղանական բանակը թալիբներից ազատել է Բալխ նահանգի մի շրջան

Աֆղանական բանակը թալիբներից ազատել է Բալխ նահանգի մի շրջան

Աֆղանստանի կառավարական ուժերը ազատել են երկրի հյուսիսում գտնվող Բալխ նահանգի Քալդար շրջանը արմատական «Թալիբան» շարժման գրոհայիններից: Այս մասին տեղեկացնում է «ՌԻԱ Նովոստի» գործակալությունը` հղում տալով Աֆղանստանի պաշտպանության նախարարությանը:

«Աֆղանստանի ազգային պաշտպանության և անվտանգության ուժերը և աշխարհազորայինները այսօր «Թալիբան»-ի ահաբեկիչների վերահսկողությունից ազատագրել են Բալխ նահանգի Քալդար շրջանը:

Սպանվել է «Թալիբան»-ի շուրջ 20 ահաբեկիչ,  տասնյակից ավելին վիրավորվել է:  Բացի այդ, թալիբները լքել են շրջանը»,-ասվում է պաշտպանության նախարարության հայտարարության մեջ:
Աֆղանստանում վերջին ժամանակներս  առճակատումներ են տեղի ունենում կառավարական զորքերի և «Թալիբան» շարժման գրոհայինների միջև, որոնք զգալի տարածքներ են գրավել գյուղական բնակավայրերում և հարձակումներ են սկսել մեծ քաղաքների վրա: