Ճապոնացի բժիշկները նախազգուշացրել են «օլիմպիական» COVID շտամի հայտնվելու ռիսկի մասին

Աշխարհի տարբեր ծայրերից Տոկիոյի Օլիմպիական խաղերին ժամանող մարդկանց զանգվածային կուտակումը կարող Է լրջորեն բարդացնել համաճարակաբանական իրադրությունը եւ նույնիսկ սպառնում Է COVID-19-ի նոր «օլիմպիական» տիպի առաջացմանը: Այդ մասին հայտարարել Է Ճապոնիայի բժիշկների միության ղեկավար Նաոտո Ուեյաման:

«Վիրուսի բոլոր տարատեսակ մուտանտային շտամները, որոնք գոյություն ունեն տարբեր վայրերում, կկենտրոնանան, կհավաքվեն այստեղ՝ Տոկիոյում:

Մենք չենք կարող բացառել նույնիսկ նոր շտամի հնարավորությունը, որը կառաջանա Օլիմպիական խաղերից հետո»,-մամուլի ասուլիսից նրա խոսքը մեջբերում են ԶԼՄ-ները:

Նա հիշեցրել Է, որ Տոկիոյի Օլիմպիական խաղերին, ըստ պլանների, կժամանեն մոտավորապես 200 երկրների եւ միջազգային իրավունքի այլ սուբյեկտների ներկայացուցիչներ: Ճապոնիայում առաջա պես մեծ են երկյուղները 2020 թվականի Օլիմպիական խաղերի անվտանգության կապակցությամբ, որոնք մեկ տարով հետաձգվել Էին կորոնավիրուսի համավարակի պատճառով, իսկ հասարակական կարծիքի հարցումները ցույց Է տալիս, որ ճապոնացիների մեծամասնությունը դեմ Է հանդես գալիս այս ամռանը Խաղերի անցկացմանը՝ կորոնավիրուսի չորրորդ ալիքի դեմ պայքարի եւ պատվաստման դանդաղ տեմպերի ֆոնին. COVID-19-ի դեմ Ճապոնիայում առայժմ պատվաստում Է ստացել բնակչության 5 տոկոսից փոքր-ինչ ավելին:

Ավելի վաղ Asahi Shimbun թերթը՝ Տոկիոյի 2020 թվականի Օլիմպիական խաղերի պաշտոնական գործընկերը, կոչ Է արել Ճապոնիայի կառավարությանը՝ խաղերը չեղարկել երկրում կորոնավիրուսային վարակի տարածման կապակցությամբ: Դրա հետ մեկտեղ Միջազգային օլիմպիական կոմիտեի փոխնախագահ Ջոն Քոութսը հայտարարել Է, որ Օլիմպիական խաղերը կկայանան, նույնիսկ եթե Տոկիոն մնա արտակարգ դրության վիճակում, հաղորդել Է «Ինտերֆաքս»-ը: