Ծաղկաձորում տաքսու վարորդը գողացել է զբոսաշրջիկի դրամապանակը (տեսանյութ)

Մայիսի 23-ին Հրազդան քաղաքում մի զբոսաշրջիկից դրամապանակ էին գողացել: Նա սուպերմարկետից 1-02 էր զանգել:

Այս մասին տեղեկացնում է ՀՀ ոստիկանությունը:

Հրազդանի բաժնի քրեական հետախույզների հետ դեպքի վայր էին մեկնել նաև ոստիկանության Ծաղկաձորի բաժանմունքի ծառայողները:

Պարզվել էր՝ օտարերկրացի տղամարդը Ծաղկաձորի սուպերմարկետներից մեկում գնումներ կատարելիս նկատել էր, որ գողացել են դրամապանակը, որի մեջ 135 հազար դրամ կար:

Դրամապանակը գողացել էր Հրազդան քաղաքի 52-ամյա մի բնակիչ: Կասկածվողը տաքսու վարորդ էր, գողությունն արել էր ուղևորին տեղափոխելիս:

Հետագա միջոցառումների արդյունքում կասկածվողը ներկայացավ ոստիկանության Հրազդանի բաժին ու խոստովանական բացատրություն տվեց:
Գողոնը հայտնաբերվել է: Հանգամանքները քննությամբ պարզվում են: