Գյումրիում և Ազատանում ապօրինի թմրանյութ պահելու, օգտագործելու դեպքեր են բացահայտվել

Գյումրիում և Ազատանում ապօրինի թմրանյութ պահելու, օգտագործելու դեպքեր են բացահայտվել

Հունվարի 9-ին պարեկային ծառայության Շիրակի մարզի պարեկները Ազատան բնակավայրում ծառայություն իրականացնելիս ապօրինի թմրանյութ պահելու և օգտագործելու դեպք են բացահայտել:

Այս մասին տեղեկացնում է ՀՀ ոստիկանությունը։

Նշվում է, որ գյուղի կամրջի տակ հայտնաբերվել, ձերբակալվել և ոստիկանության Կումայրիի բաժին է տեղափոխվել Շիրակավան համայնքի 28-ամյա մի բնակիչ: Նրա խուզարկությամբ հայտնաբերվել են կիսամոխրացած հետքերով կաթուցիչ և դեղնականաչավուն զանգված: Երիտասարդի հայտնածով՝ հայտնաբերվածը մարիխուանա է, որը պատրաստել էր կանեփի վայրաճ բույսերից: Կազմված նյութերն ուղարկվել են Ախուրյանի քննչական բաժին:

Նույն օրը պարեկները փաստաթղթերը ստուգելու նպատակով Գյումրու Սավոյան փողոցում կանգնեցրել են «ԲՄՎ» մակնիշի մի ավտոմեքենա: Պարզվել է, որ 17-ամյա ուղևորի մոտ թմրանյութ է եղել: Երիտասարդը ձերբակալվել և տեղափոխվել է ոստիկանության Մուշի բաժին: Նրա խուզարկությամբ հայտնաբերվել է յուրահատուկ հոտով, մանրացված, չորացված զանգվածով ծխախոտի տուփ: Երիտասարդի հայտնածով՝ հայտնաբերվածը մարիխուանա է, որը պատրաստել է կանեփի վայրաճ թփերից: Դեպքի առթիվ կազմված փաստաթղթերն ուղարկվել են Շիրակի մարզային քննչական վարչություն:

Հունվարի 9-ին ոստիկանության Շիրակի մարզի գումարտակի 1-ին վաշտի 1-ին դասակի պարեկները Գյումրու Լալայան փողոցում ստուգման նպատակով կանգնեցրել են 31-ամյա մի տղամարդու վարած «Օպել» մակնիշի ավտոմեքենան:

Պարեկները մեքենայի փոխանցման տուփի բռնակի մոտ նկատել են ծխախոտի տուփ: 31-ամյա ուղևորը հայտնել է, որ տուփի մեջ բժշկական կաթուցիչ և մարիխուանա կա: Ոստիկանության Կումայրիի բաժնում նա իրավապահներին ներկայացրել է ծխախոտի տուփը, որի մեջ եղել է թմրանյութի հետքերով բժշկական կաթուցիչ և չորացված զանգված:
Փաստի առթիվ կազմված փաստաթղթերն ուղարկվել են Շիրակի մարզային քննչական վարչություն:

Հետևեք մեզ նաև Տելեգրամում