Ախուրյանում ապօրինի թմրաշրջանառության դեպք է բացահայտվել

Ախուրյանում ապօրինի թմրաշրջանառության դեպք է բացահայտվել

Փետրվարի 9-ին Ախուրյանի բաժնի համայնքային ոստիկանները ապօրինի թմրանյութ պահելու և օգտագործելու վերաբերյալ տեղեկություն են ստացել:

Անմիջապես ձեռնարկվել են օպերատիվ-հետախուզական միջոցառումներ։ Քիչ անց 56-ամյա կասկածյալը ձերբակալվել և, իր ավտոմեքենայով հանդերձ, տեղափոխվել է ոստիկանության Ախուրյանի բաժին։

Այս մասին հայտնում են ՀՀ ՆԳՆ ոստիկանությունից:

Երևանցի տղամարդը մեքենայի սրահից ինքնակամ ներկայացրել է կանեփանման զանգվածով 2 փաթեթ, իսկ անձնական խուզարկությամբ նրա մոտ հայտնեբերվել է նույն զանգվածով 3 փաթեթ։ 5 փաթեթներում ընդհանուր 132 գրամից ավելի կանեփանման զանգված է եղել:

Ձերբակալված տղամարդը հայտնել է, որ հայտնաբերվածը հավաքել է կանեփի վայրաճ բույսերից՝ անձնական օգտագործաման համար։

Մեքենան տեղափոխվել է բաժնի պահպանվող հատուկ տարածք։ Տղամարդն ու կազմված փաստաթղթերը ներկայացվել են Ախուրյանի քննչական բաժին։