Մյունխենի համաժողովը մեկ կարծիքի ակումբ է դառնում. Պեսկով

Մյունխենի համաժողովը պահանջված է շատերի համար, սակայն օբյեկտիվության կորստի պատճառով այն մեկ տեսակետի ակումբ է դառնում եւ դադարում է քննարկման հարթակ լինել, ՌԻԱ Նովոստիին ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:

«Չեմ կարծում, որ Մյունխենի համաժողովը կորցնում է իր արդիականությունը՝ որպես քննարկման հարթակ։ Ոչ, այն դեռ հետաքրքիր եւ պահանջված է շատերի համար։ Բայց կորցնում է իր արդիականությունը մեզ համար, քանի որ կորցնում է իր օբյեկտիվությունը։ Այն մեկ տեսակետի ակումբի է վերածվում»,- ասել է Պեսկովը։

Նա պարզաբանել է, որ ակումբում կարելի է քննարկել մեկ տեսակետ, բայց՝ միայն այս տեսակետի կողմնակիցներին:

«Դա այլես բանավեճային ակումբ չէ։ Այս առումով մեզ համար շատ ավելի գրավիչ է «Վալդայ» ակումբը, որտեղ առաջվա պես բախվում են տարբեր տեսակետներ։ Եվ ես հույս ունեմ, որ միշտ կլինեն հենց տարբեր, նույնիսկ տրամագծորեն հակառակ տեսակետներ»,- եզրափակել է մամուլի խոսնակը։

Երկու տարվա ընթացքում առաջին անգամ Մյունխենի անվտանգության համաժողովը պետք է անցկացվի առերես ձեւաչափով փետրվարի 18-20-ը։