Բողոքարկման պարագայում դատարանն այլեւս չի կասեցնի շինարարությունը. ԱԺ-ն քննարկում է կառավարության առաջարկը

Կառավարության նախաձեռնությամբ գումարվել է Ազգային ժողովի արտահերթ նստաշրջան։ ԱԺ նիստի օրակարգում է Հայաստանի Հանրապետության և Արժույթի միջազգային հիմնադրամի միջև 2020 թվականի մայիսի 23-ին և հունիսի 1-ին ստորագրված «Պահուստային ծրագրի միջոցների օգտագործման և լրացուցիչ փոխառու միջոցների ներգրավման մասին» նամակ-համաձայնագիրը վավերացնելու մասին հարցը, Հայաստանի Հանրապետության վարչական դատավարության օրենսգրքում փոփոխություններ և լրացում կատարելու մասին հարցը, «Պետական նպաստների մասին» Հայաստանի Հանրապետության օրենքում փոփոխություններ և լրացումներ կատարելու մասին հարցն ու մի շարք այլ հարցեր։   Ֆինանսների փոխնախարար Արմեն Հայրապետյանին լսելուց եւ հարցուպատասխանից հետո  ԱԺ-ն այնուհետև քննարկեց  կառավարության կողմից ներկայցված  վարչական դատավրության օրենսգրքում փոփոխություններ, լրացումներ կատարելու մասին եւ վարչարարության հիմունքների  եւ վարչական վարույթի  մասին ՀՀ օրենքների նախագծերի  փաթեթն առաջն ընթերցմամբ  ընդունելու մասին հարցը:  Զեկուցող Արդարադատության նախարարի առաջին տեղակալ   Ռաֆիկ Գրիգորյանը իր զեկույցում նշեց. «Օրենսդրական այս նախաձեռնությունը  վերաբերում է  վարչական դատավարության օրենսգրքի  83-րդ հոդվածի  փոփոխությանը, ինչպես նաեւ վարչարարության հիմունքների եւ վարչական վարույթի  մասին օրենքին: Նա նշեց, որ  83-րդ հոդվածն այժմ նախատեսում է  կառուցակարգ, որի վիճարկման հայցերի  դեպքում վարչական ակտի կատարումը կասեցվում է եւ 82-րդ հոդվածում նախատեսել ենք որոշակի բացառություններ: Ներկա իրավիճակում շինարարական թույլտվությունների հետ կապված  առաջացել է  այնպիսի իրավիճակ, որ վարչական կարգով կամ դատական կարգով բողոքարկման պայմաններում կասեցվում են  շինարարությունների ընթացքը: Այժմ շուրջ վաթսուն շինարարական թույտվություններ են կասեցվել, որտեղ  մոտավորապես չորս հարյուր հիսուն միլիոն ԱՄՆ դոլարին համարժեք  դրամի ներդրում կա։ Եթե օրենսդրական փոփոխությունները ընդունվի, ապա  կասեցված  վարչական ակտերի կատարումը  պետք է վերսկսվի եւ կողմերը իրավունք կունենան դատարանին ներկայացնել միջնորդություն կասեցնելու, եթե օրենքով սահմանված հիմքերն առկա են»,- եզրափակեց փոխնախարարը: